作為一間成功嘅公司，當然要有一班好員工，佢哋會為公司努力工作，為公司爭取更好嘅權益。呢個道理人人都明、之不過制度令人僵化，好多嘢已經冇人情、道理可言！
好似因為犯咗事而哄動全城嘅「鳳女」，話晒叫做咗啲唔啱嘅嘢，公司高層點都會有啲動作，本來鳳女都好快手咁出嚟道歉，按照慣常，公司高層點都有啲嘢做吓，但係唔知係咪鳳女個人唔夠紅，抑或係平時唔識做人，高層同老闆都愛理不理，甚至鳳女出到嚟喊晒口，公司高層都只係求求其其叫做交代完就算，最後鳳女要靠自己，幫自己洗底。
不過呢個做法都係正常，事關公司高層最怕煩，又怕網上聲音，只要網上有乜風吹草動，佢哋就會斬腳趾避沙蟲，閂埋自己房門，最緊要係冇人鬧冇人講！完全冇承擔，所以又點會留住人心，有好路數都走啦！
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。