杜汶澤前晚在社交網帖文，嘲諷前晚警方開咪指留守在理大的抗爭者「食生命麵包，我哋收工後上深圳食海底撈，飲冰凍啤酒。」阿澤留言：「又會咁X笨X都有嘅，油麻地咪有囉！弱X智！」他更表示「覺得香港警察對飲食要求好低。」之後有網民留言：「即係話佢係深圳公安囉。」阿澤昨日再出帖文，留言：「生命麵包，呢次大X鑊喇！」
另外，無綫前新聞主播姚雋彥就身體力行貼出食生命麵包的早餐相，他留言：「生命麵包我每朝都食，打邊爐其實我都鍾意，既然咁開心咪自私去，帶埋阿嫂仔女齊齊烚，北上叫雞煲使乜搭機……」伍家謙就在Ig用了一張周潤發電影「冇眼睇」的截圖狂寸警方。影評人兼食評人的畢明就出帖文表示：「你無知唔緊要，但係睇唔起生命麵包，只反映兩樣嘢：價值觀，同水平。其實水平低、膚淺、同冇教養，真係唔使周街話畀人知嘅。」此外，葉蘊儀亦有轉載關於生命麵包在香港的「麵包冷 人情暖」的故事。
撰文：翁可人
