2018年，我們失去了盧凱彤（Ellen）。2019年，兩個人的「at17」，變成林二汶的「at37」。談到昔日好夥伴，二汶無悔與Ellen拆夥了七年才再合體，她說：「能夠識到佢，我已經無悔。」儘管Ellen離世，但二汶覺得摯友從沒離開過自己，亦致力將對方的遺作整理再推出，讓Ellen的音樂長伴大家。
撰文：鄉奈仁
攝影：沈健程
林二汶經過400多天時間洗禮，將失去盧凱彤的傷痛轉化為力量，推出第四張個人唱片《初音The Beginning of Sound》，籌備足足兩年，班底強勁，包括林夕、黃偉文、于逸堯、林一峰及周耀輝等。二汶選擇於上月25日、37歲生日當天推出，也是別有用心︰「生日出唱片，大家都會恭喜我兼祝我生日快樂，同埋唱片大賣，集氣好重要，覺得生日要做啲嘢！」
「一齊做嘢係bonus」
籌備唱片期間，二汶經歷人生巨變，拍檔兼死黨Ellan突然離世，問Ellen在這張唱片可有擔當一角？二汶隨即搖搖頭說：「冇啊！上次一齊寫《at17 reunion》嗰首歌……係囉，我有幾隻唱片都用佢嘅創作，《On The Go》入面《危險動作》佢寫詞、《Do You Love Me》寫曲。」二汶認為Ellen縱使不在身邊，但從沒離開過她。
二汶和Ellen曾經拆夥，前年才合體舉行演唱會，Ellen離世，不少人認為她們失去寶貴七年很可惜，但二汶卻表示：「冇，冇嘢後悔冇同佢一齊做，因為能夠識到佢，我已經無悔，我哋唔一齊做嘢都係好好朋友，一齊做嘢係bonus。唔會因為做多一件（事）、做少一件（事）而遺憾，只係𠵱家有啲嘢唔能夠同佢直接分享……或者佢𠵱家嘅狀態係我未寫嘅歌佢都聽到呢？佢𠵱家唔限制於身體，只係冇得即刻聽到佢點講、聽到佢笑係遺憾。」
不想被人看見流淚
說到Ellen的好，二汶滔滔不絕︰「佢喺唔喺度，都係個好出色嘅音樂人，同埋佢留咗好多嘢喺度，好多我想攞，都希望有啲作品係一齊做，係寫落咗啲歌同demo，上次香港個騷，有個demo一齊寫，我考慮modify一下。雖然佢唔再做創作箒，但佢留咗好多嘢未發表，希望樂迷可以一路聽住佢嘅音樂，就好似佢從來都同我哋一齊。」外表堅強的二汶，自Ellen離開至今，刻意把情感收起，她坦言不想被人看見自己流淚：「唔係好鍾意隻眼濕，尤其化咗妝流眼淚會好灰。」
場地提供：Red MR紅人派對