無綫前主持林子博昨日到新城受訪，提到患癌妻子Shirley早前已完成化療，他說：「喺西醫嘅角度只能夠做化療，半年已經打咗六、七次針，副作用係成日頭暈、嘔兼冇胃口。𠵱家化療做完，我希望太太可以休養番幾個月，調理好身體先考慮睇中醫。」他表示為了獎勵太太努力抗病，打算稍後舉家到台灣旅行，他說：「其實去台灣都有另外一個任務，有朋友介紹咗個台灣專醫癌症嘅中醫，希望陪太太去睇吓。」
離開無綫後，林子博目前替港台拍攝節目及劇集，他說：「𠵱家暫時都係freelance形式，好多謝好多朋友介紹好多工作畀我，其實有錢冇錢都冇所謂，始終喺太太唔舒服期間，有好多人幫過我。」
採訪、攝影：曹家誠