【本報訊】不再以關懷作為座右銘的香港警隊，前晚向理大內的留守者開咪挑釁，不但以「垃圾」形容留守者，更侮辱他們「冇腦」，又嘲諷示威者只能食「冰冰冷冷的生命麵包」，而自己收工後則可到深圳食海底撈、飲冰凍啤酒。警方蔑視生命，惹來網民大反擊，指出生命麵包有着溫飽港人、對抗厄運的歷史意義，「從來唔尊重生命嘅都係黑警」。
網民轟唔尊重生命
根據眾新聞片段，在理大外圍駐守的警員周四晚不斷以大光燈閃射留守者，更開咪向他們叫囂：「我真係覺得你哋好垃圾……做又做唔掂！做又做唔好……我睇你哋唔起呀！唔係因為我同你政見唔同呀！唔係因為我同你立場唔同呀！係因為你哋做人冇原則！冇底線！冇承擔！冇責任感！同埋冇腦呀！」言畢即傳來其他警員的笑聲及掌聲，並附和高叫「冇腦！」
該警員又繼續開咪侮辱留守者，聲言留守者「刷新」了他們的人生觀及目光，指：「我唔覺得香港有人咁蠢㗎！」隨即有人再次附和稱：「讀屎片！」
片段尾聲，警員更嘲弄留守者，指他們要食「冰冰冷冷嘅生命麵包」，即使要留守多個星期，警察待其他同事接更後，「我就上深圳食海底撈！嘩！諗起都正呀！有得飲冰凍嘅啤酒，而你哋就繼續喺度食生命麵包……生命麵包喺垃圾入面見得最多真係，通常啲基層、拾荒者、老人家食，我覺得真係好可憐嘅一件事，尤其係咁冰凍嘅一個夜晚食生命麵包」。
警方對生命與麵包的蔑視，引來網民反彈。連登網民引經據典指出，生命麵包60年代面世，當年的香港還是一個為飽腹發愁、缺乏營養認知的時代，生產商嘉頓在麵包中加入維他命和礦物質，希望更多人借食用麵包補充營養素，所以取名「生命麵包」。70年代幾次天災，港英政府都以生命麵包作為主要賑災食物，派發予流離失所人士，協助他們渡過生死難關。
網民指出，留守者的餐單上配有「在香港本土史上多次伴同香港人對抗命運」的生命麵包，不是理所當然的事嗎？「從來唔尊重生命嘅都係黑警」。