禮拜五歐國盃附加賽四強賽事抽籤結果出爐，附加賽係按歐國聯嘅檔次同成績分配，爭剩番嘅四個出線席位。A組唯一未能直接出線嘅冰島將會對C組嘅羅馬尼亞，連埋保加利亞同匈牙利一齊被列入A組。以色列就好彩可以留喺C組裏面，四強作客鬥蘇格蘭。
4強賽以1場分勝負
喺決賽擁有主場之利嘅球隊同樣由抽籤決定，A組保加利亞同匈牙利、B組波斯尼亞同北愛爾蘭、C組挪威同塞爾維亞以及D組嘅格魯吉亞同白俄羅斯，以上對碰成功晉身決賽嘅球隊將會坐擁主場之利。附加賽4強以1場分勝負，比賽喺3月26日上演，決賽就會喺4強嘅5日後舉行，四組脫穎而出嘅球隊即可晉身決賽周。