【本報訊】「覺得﹙區選﹚只係投班人出嚟咁囉！」19歲的港大生阿V，從前對區議員的印象，大約只是一班可有可無的街坊保長。直至反送中運動，各級議會如何扭曲民意有目共睹；人生首張選票，投於這個革命年代，阿V認為11.24投票日的「剔號」是表態、也是支持，不能在前線抗爭的人，明日的選票就是「武器」。
「話畀政府聽我哋個取態」
在前線度過不少日夜的阿V，自言從前也是和平理性，但6.9百萬人上街反送中，政府卻充耳不聞，林鄭政府改變了她：「係政府話畀我哋聽，和平係冇用，係要好多人出嚟，然後真係可能要去做一啲法律上唔容許嘅嘢，先至爭取到。」是這場運動，令她盡見建制把持的區議會，禁止討論所有反送中議案，「𠵱家覺得區議會有佢嘅影響性，如果投到唔係建制派、係真聽市民意見嘅議員，﹙政策﹚諮詢過程中，可阻攔唔想發生嘅事。」
「冇能力走到咁前嘅人，區選就係一個好好嘅方法畀佢哋表態，話畀政府聽我哋個取態係點」，阿V作為大時代下的「首投族」，強調這次區選結果極具意義，若投票率低只會令人質疑港人是否有求變之心：「係咪我哋其實只係識得口講﹙爭取五大訴求﹚，但連投一張票咁簡單嘅行動都唔會做？」
■記者許偉賢