孫慧雪2016年結婚，現育有兩歲多兒子Riley，前晚她在社交網帖文，貼了一張財務公司的追債信，原來她的工人姐姐日前突然辭工，表面原因返鄉下，實情是避債，孫慧雪留言：「我想請佢幫多幾日手都唔肯，喺佢一走咗之後，追債電話就打嚟，又收恐嚇信，即刻明晒點解對佢咁好都要走，我之前仲猛咁諗，係咪辛苦咗佢！佢之前話有困難，我哋仲借咗筆錢畀佢！唉！」
不少網友都表示曾遇過相似情況，留言叫孫慧雪到入境處備案，亦要通知財務公司此人已離職。當被問及工人是否從僱傭中心請回來，孫慧雪即吐苦水：「係呀！仲要interview嗰陣話肯照顧小朋友，請咗返來話唔會！」
撰文：翁可人