鄧建明（Joey Tang）前晚在九展Star Hall舉行演唱會，邀得不少圈中好友包括陳慧琳（Kelly）、李克勤、側田、蘇永康和鄭中基等擔任嘉賓，整晚獻唱不少中外經典歌曲。Joey演出前接受訪問時表示，知道近來社會氣氛動盪，不少演出都取消，他直言最初曾考慮延期：「但一延遲要到4月先再有期，加上之前睇過相士，話今日呢個係好日子，結果喺噚日再睇情況後都決定今日如期進行，好希望大家平平安安享受返一晚。」
今次請來不少嘉賓，Joey笑言已碌盡人情卡：「全部嘉賓都喺音樂上有合作，有啲仲好有淵源，真係好多謝佢哋嚟支持。」前晚Joey太太也有來支持，他笑說：「次次開騷佢都喺前面，今次叫佢喺後面幫手拎啲生果拎返屋企。」
採訪：曹家誠
攝影：陳俊強、馮嘉銘