【爆相爆片】現年83歲的城中富豪趙世曾，一生風流，多年來都keep住單身，近年身邊的內地女友更頻頻換畫。《蘋果》讀者鄒先生日前透過「爆相爆片」分享他於灣仔遇上趙世曾，竟獨自現身灣仔一棟商業大廈內，身穿西裝的趙世曾一手插袋，一手拖住手提包入升降機。鄒先生表示：「當日下晝兩點半，見到佢一個人行得好緩慢，見佢咁樣拖行個手提包，想上去幫手，不過行近啲就見到佢係趙世曾，好奇怪佢一個人冇保鑣，又冇女友喺身邊。」
另外，趙世曾二子趙式浩近年積極參政，現任自由黨青年團主席，昨日他在Ig貼文，表示在尖沙嘴東、即理大附近一帶主動清理路障，他留言：「終於有機會，清理公司附近，條路塞了很多日，希望盡快開通返，仲巧遇好友薛嘉麟。」
採訪︰唐如