【疲兵難戰】
【本報訊】理大圍城昨踏入第三天，仍有數十人留守校園拒絕離開，有理大學生護送女友突圍，晚上游繩下橋時被防暴警射傷要折返，一度自責至失聲痛哭，自言「唔應該信呢個政府」，亦有外來支援的抗爭者敵不過連場惡戰，傷疲交加，須送院治理，雖然有機會被控暴動罪，但抗爭者坦言不後悔，希望與理大手足共同進退，「驚就一定會，但係咁多人陪我坐就冇話真係好驚。」
記者：沈彥恒 邵靖妍
理大學生Ben和Jerry一直守在校園，亦有參與全民三罷堵塞紅隧及尖東橋，迫使政府回應五大訴求，但結果空手而回，直至警方將理大重重圍困，他們再多了一份責任，以學生身份守護學校，不容警方入侵，但他們自責稱：「好遺憾我哋失守咗。」
助女友突圍失敗痛哭
警方連日狂攻，Jerry慨嘆守不住校園，連身邊人都保護不了。數十名抗爭者前晚在連接X座與Z座的天橋游繩而下，Jerry讓女友及女同學先行，自己殿後，未幾已有防暴警趕至，不停向他們發射催淚彈，回憶場面，他忍不住痛哭：「我睇住佢游繩落去，佢擒出去，就係咁被子彈射……我係咁爬上條橋，同警察講唔好射個邊，你射我啦！但佢哋唔聽，子彈係咁飛去嗰邊。」結果女友突圍不成反受傷，幸及時回到橋上，兩人繼續困守圍城。
面對政府提出自首可保證安全的條件，Jerry憤言：「唔應該去相信呢個政府。場運動咁耐，佢有幾多次值得我哋去信，一次都冇。中大嗰次四次都反口，憑咩要我哋信你？」他與Ben均揚言：「走唔到，我哋就堅守到底。」
趕至理大支援的阿魚，昨坐在李兆基樓地下位置，因連日受水炮車攻擊，加上天氣轉冷，身披錫紙仍不住發抖。警方已明言任何人走出校園，將面對落案起訴的風險，但阿魚望向理大學生用噴漆在玻璃門上噴上的道歉字句：「各位手足：今次Poly準備不足，帶咗好多麻煩，好對唔住！辛苦大家！」仍不後悔當初決定，他淡淡然笑說：「本身有怪過Poly嘅手足嘅，但見到段嘢，點怪啫。」
「唔想有家長被捕」
他連日守在理大，家人及親友牽腸掛肚，家人前晚向他發出一段短片，相信為他打氣，但他至今仍不敢開啟閱覽，「其實我哋先係最對佢哋唔住，打咗咁耐都打唔到出去，亦唔想出面仲有家長為我哋而被捕。」在體力耗盡的情況下，與其看見外面不斷有人「送頭」被捕，倒不如走出校園面對一切，包括被捕甚至坐牢。