【本報訊】理大局勢未明，藍絲陳先生（化名）的兒子是被困者之一，他昨晨收到勇武兒子不平安的「報平安」訊息，指身陷理大無法逃走，令陳先生非常憂心，深知兒子一旦被捕將凶多吉少，「俾佢拉咗，變咗傷殘人士都唔奇」，但他撐警立場不改，稱理解警方壓力。內心天人交戰，他僅求政府避免流血事件。
陳先生一直知道兒子參與示威，但不知道擔任的崗位，昨早忽然收到兒子訊息，始得悉兒子被困，「佢同我講佢都想走㗎，可行嘅話一早就走咗啦，就唔使卡住喺度啦」，又謂離開者均是和理非，「佢話其他人身上真係冇嘢嘛，但佢唔係」。
藍絲家長遇上勇武兒子，陳先生說「冇諗過佢會喺理大」，只求兒子平安，祈求他可以「靜靜雞」逃出重圍，「捱多兩日，形勢一定冇着數，一定好虛脫」。他從兒子口中得知，校園內糧水至昨日尚算充足，但圍困時間越長，抗爭者體力和意志均會大減，情況越危險。
「佢變傷殘人士都唔奇」
陳指兒子直言絕不相信警察，作為勇武一員，無論投降或失手就擒，面對警暴勢將不堪設想，又指理大留守的抗爭者誓言一息尚存也會死守，至於被捕或突圍，兒子仍未拿定主意。
心亂如麻的父親惟有向兒子「獻計」，提醒一旦被捕要伏在地下，不要輕舉妄動，減少警方施暴意欲，在警署也要盡量配合，但兒子回應「就算唔郁，一樣頭破血流」。陳先生深知以目前警方的情緒，一定會毆打被捕抗爭者，「最緊要人身安全，真係驚最後呢批俾佢拉咗，變傷殘人士都唔奇」，日後若暴動罪成，前途亦盡毀。他稱，目前只能為兒子準備尋求律師協助，別無他法。
雖清楚兒子將面對警暴，但陳先生撐警立場不變，認為警方及抗爭者均有過份行為，但體諒警方壓力，以及有需要使用暴力，「佢哋對住啲黑社會，差人做嘢係咁㗎嘛」。
警察攻城在即，陳先生希望政府及警方避免流血事件，不要攻入校園，但坦言希望不大，「冇得控制，唔係講一講差人就會唔衝」。
■記者曾偉龍