【驚險逃亡】
【本報訊】香港警察以最高武力圍困理大，甚至不惜真槍實彈鎮壓，各界自周日黃昏起各方已全力嘗試營救被圍堵的抗爭者，大量「校巴」湧至附近候命，準備接載突圍人士，但一直未聞好消息。逾百抗爭者昨晚游繩逃脫前，下午有小量抗爭者昨午成功從校園角落攀山、爬草叢成功逃出，有倖存者憶述當時形勢極驚險，「好似生死逃亡，出咗去走唔甩就會被捕，最後警察真係發現我哋，好彩追唔切上嚟，只係食住催淚彈跳上車」。
記者：陳珏明
抗爭者M（化名）昨向本報透露，周日在理大本打算在飯堂用膳後離開，警方當晚9時許公開表示稍後將有進一行動，呼籲校內人士從Y庭（Y Core）出口離開理大，「點知想出去時，就傳嗰度拉咗50人，即係唔使走啦！」
M惟有跟同伴留在校園繼續找出路，之後曾嘗試經大學的圖書館附近外牆逃出，並一度躲在草叢，「但好快已經被發現，紅磡站嗰邊有狗（警察）即刻用電筒照住，大家所以要即刻爬冷氣機槽返campus（校園）」。由於摸黑未能找到出路，M及同伴當晚留在校內，成功進入一些課室休息一晚，寄望翌日成功找到逃生路線。
至昨日，理大被困抗爭者早上即開始多次嘗試突圍，M亦決定放棄裝備再換裝，「一轉係嘗試跑向槍會山嗰邊個小山坡，但跑到一半已經被（警察）打番轉頭，要返轉頭爬返入學校；之後另一次一出去，就已經係TG（催淚彈）放題，冇晒gear根本冇可能頂到，所以又要返轉頭」。
直到下午，有人發現從另一角落爬出校園後，可以有小路離開，但途中要攀上山坡又再爬過草叢，其中一段更要穿越被警察已經封鎖的馬路，「好彩係一個彎位，遠處嘅警察如果望去另一邊就會望唔到，大家就趁呢個時間快跑過去」。
「食住催淚彈跳上車」
M形容，自己當時連同約20人一同出發展開逃亡，「大家分批行，但一行咗如果被警察發現就會被拉，唔會返到轉頭，所以其實好驚；條馬路好空曠，係最大機會被發現」。事實上，最終該條逃亡路線亦難逃警察監視，「佢哋之後即向我哋方向射催淚彈，我係食住彈跳上（家長）車，亦應該係呢轉最後一個走出來嘅人。」
對於為何千方百計嘗試逃亡，M說只是因為不想被捕後被控暴動，「但其實出得嚟，已經係預咗被拉，只係有方法走到就盡量走」，M更不諱言，雖然逃出生天，卻沒有一絲高興，「一諗起有手足被困理大，就已經好唔開心，希望大家最後冇事」。