比利時喺歐國外I組憑住夏薩特兄弟入三粒，加埋盧卡古埋齋，作客以4:1大勝俄羅斯，不過呢場波就出現咗趣怪嘅一幕，事關比利時守將保耶達竟擺咗大烏龍，下半身着住印上4號嘅波褲，但就着錯咗巴舒亞伊件23號波衫上陣，直至56分鐘先知道着錯衫，好在巴舒亞伊今仗只係後備上陣，難怪佢賽後喺twitter就笑保耶達「佢實現咗佢嘅夢想啦！」