【堅守防線】
【本報訊】理大昨日的攻防戰中，警民裝備實力懸殊，但抗爭者由11.11全民三罷起，一直守住理大防線，全靠「打甩門牙帶血吞」的拚勁與堅持。有本身不是「衝衝子」的法律系學生，為補上大量傷員的缺口，甘願「違法達義」衝上前線擋彈，亦有抗爭者被水炮車射中，猶如烈燄灼身，並且一度失去視力，但他匆匆洗走催淚水劑後，向在場人員吶喊︰「手足，我哋出去再打過！」抖擻身上藍色水，又再重新上路。
記者：黃麗英 江子堯
示威者高呼「Poly係最後一場，輸咗就冇㗎喇！」理工大學平台昨化身臨時救護站，每當警方發動新一輪攻勢，便有人運送傷員入校園內治理，其中水炮車下午向人群發射帶有催淚劑的藍色水，超過10名傷者獲帶至校園平台一個以雨傘臨時搭起的露天沖身處，拉起消防喉沖身，簡陋卻實用，有人問「仲有冇梘液呀？」傷者之後再帶至G座大樓房間內，坐在防滑地墊上治理，但眼睛仍不忘緊盯大螢幕上的直播畫面，深怕錯過場外戰況。
中藍色水捱痛 鬥志未減
「好消息！有狗隻腳中咗箭」不時有哨兵衝入房內匯報消息，加上傷者咳嗽聲、痛苦呻吟聲，聽上去以為身處戰區內。校園內兵荒馬亂，但突然傳出一句響亮的吶喊︰「手足，我哋出去再打過！」現場一呼百應，燃成燎原大火，眾人齊聲叫「好！」部份人脫去上衣及長褲，沖洗後再換上乾淨衣服，穿起裝備往校外衝，士氣高昂。
其中一名傷者Sam被水炮車連續射中兩次，幸好當時有人將他拉走至臨時救護站內治理，經過半小時多次清洗後，藍色液體已完全沖走，Sam的視力亦逐漸回復正常，但上半身仍然紅腫刺痛，形容「成身俾火燒咁」。他一直用雙手拿起冰袋敷着患處緩減痛楚，痛楚仍擋不住其鬥志。「我未死呀嘛，我𠵱家仲郁到，梗係撐落去啦！」
傷完包紮又再衝，彷彿是現場抗爭者的重複寫照，Sam亦深知正打着一場幾乎毫無勝算的仗。「你問下所有人，係冇得打㗎，係撐落去囉，咁唔係點呀？」無論有多少汽油彈在手，警方始終手持真槍實彈，但他並不打算撤離，「我守咗五日，會守到最後……如果係有良心嘅人，死咗咁多人，會唔會企出嚟？」堅持留守，只為良心二字。
中了水炮的弓箭手雙臂沾染藍色液體，他昨晨自攜弓箭到場守在A座平台前線位置，自知與警方武力懸殊，直言多個月來均處於捱打狀態，但仍堅持死守，只是希望讓政府知道市民的決心，從而讓步，「明知冇得打都要打，呢啲就係抗爭者！」被問到預期最壞的結果，弓箭手回答：「咪又係死，預咗死㗎喇，其實遺書都寫定晒。」雖然早已視死如歸，但他表示當警方大規模使用實彈便會撤退，撤退並非怯懦，而是要顧及現場所有人的安危，「冇理由用大家條命去換」。
港大生頂上 爭撤退時間
另一名就讀港大法律系的Joseph，前晚起在校內駐守，亦有參與抗爭，他本來不是最前線，因前方人員不斷受傷，防線人數不足，他只好頂硬上，看到前排一列燃燒彈，沒多想就投擲出去，最終受到水炮車洗禮成為「藍精靈」。他估計警方出動水炮車只是前戲，「𠵱家會出其他致命武器，包括佢地聲稱會再開實彈，以及銳武裝甲車上嘅音波炮，情況都幾危險」。
久守必失，Joseph亦知道理大淪陷只是遲早問題，「燃燒彈嘅數目係有限，除了燃燒彈及弓箭，都冇嘢可以頂到佢哋（警方），基本上佢哋唔會怕磚頭，要衝佢哋（警方）一定做到，只不過係警方唔想有任何傷亡先會暫時唔衝」。但他們堅守理大外圍，目的擺空城計以便全身而退，「我覺得要守，但係守嘅係時間，慢慢畀啲人撤退」。所有人未安全撤離之前，他拒絕認輸，更不會因中水炮而不上前線，「我未驚過！」
