【本報訊】東歐巨變30周年集會前，昨午亦有團體辦祈禱會，居港數年的智利人Lucas（圖）昨出席遮打花園的「願祢榮光歸香港」集會並上台發言。
籲警「開卷唔好開槍」
說得一口流利廣東話的「智利仔」Chilli Lucas，6月已與朋友上街遊行，更不斷向其他居港外國人分享新聞，YouTube頻道訂閱人數由數千急增至四萬。他自言早已視香港為家，希望聽到港人心聲才學廣東話，「好多外國人住喺香港，唔識廣東話同中文，都要畀佢哋知道自己屋企發生緊咩事」，又要求傳媒上載反送中資訊時加上簡短英文描述，方便向外國朋友解釋。
提及智利同樣有大型示威，他說：「天下烏鴉一樣黑，示威原因唔同，但都係好惡嘅政府同好惡嘅警察，唔公平咁打人，好暴力。」看見台下有人高舉「Don't shoot our kids. They are our future」標語，他大感認同，「我想同警察講，開卷有益，請開多啲卷，唔好開槍，唔該」，台下人士報以熱烈掌聲。
集會前他得知理大有警察暴力對待年輕示威者，「佢哋（示威者）係保護自己學校，呢個唔係叫暴力，全世界最和平嘅示威者喺香港，一百萬人兩百人萬，咁多人鏈，沒有暴徒，只有暴政」。他發言時一度眼泛淚光，說香港警察一定會受審判，「唔好灰，休息唔係放棄，呢個係long-term fight。所有香港人，你哋寫緊歷史！」
■記者陳詠恩