甄子丹滿足囝囝要求

甄子丹與太太汪詩詩結婚16年依然恩愛，不時見到二人帶仔女同遊，日前本報就見到甄子丹夫婦和11歲細仔甄濟嘉（James）在中環蘇豪區遊走，詩詩拎着手機導航，原來在找意式雪糕店。James先與媽咪急步入店內，雙眼望着櫃內的雪糕，由於雪糕是人手即製所以等候時間較長，詩詩就到店外講電話，而甄子丹就陪囝囝繼續等。James等待時在店內手舞足蹈，更抱着爸爸，當攞到雪糕時即心滿意足狂舔，而詩詩又讓囝囝拿着雪糕拍照呃like。

甄子丹等囝囝去廁所期間，幫忙拿雪糕。

之後，James似乎要去廁所，就將雪糕交給爸爸，甄子丹相當細心，似是擔心雪糕融化，便託店員代為雪藏，直至兒子回來。其間甄子丹被途人捕獲邀合照，然後一家三口登上的士離開。
採訪、攝影：梁繼光、羅德光

甄子丹一家三口買完雪糕便坐的士離開。