國足上個禮拜喺世界盃亞洲區外圍賽不敵敍利亞，主帥納比隨即宣佈辭職，至於由邊個接任中國國家隊主帥一職眾說紛紜，據新華社最新報道，曾帶領巴西贏得2002年世界盃冠軍嘅「大菲」史高拉利有意接手。曾教過廣州恒大嘅大菲就話，佢非常鍾意喺中國工作，亦相信中國隊嘅潛力，佢願意聽取中國足協嘅報價，如果價錢啱嘅就絕對可以合作。