據《米蘭體育報》等意大利傳媒報道，今季開始執教國際米蘭嘅干地，近日收到一封匿名恐嚇信，信內除咗有大量恐嚇嘅言詞外，仲附有一粒子彈，雖然話近日意大利國內有唔少政客都收到同樣嘅恐嚇信件，當地警方亦唔肯定係咪惡作劇，但為咗安全起見，已經派員喺干地嘅住所，同埋國際訓練基地駐守，以確保呢位前意大利國家隊教練同屋企人嘅安全。