【本報訊】黃大仙昨午有街坊和年輕人整理連儂牆，其間突然有大批蒙面防暴警察衝出，追趕並截查5名年輕人，其中一名少女因未能出示身份證被帶走。有被截查的青年投訴，有警員威嚇會控告他們遊蕩罪；有少女遭男警搜身，更被瘋狂侮辱「臭雞」、「要姦都唔會姦呢啲」。
「如果要姦都唔會姦呢啲」
據現場目擊者指，昨午約兩時半，有街坊和年輕人在整理黃大山中心對出的連儂牆文宣，突然約40名蒙面防暴警察衝至驅趕，部份人走入港鐵站，防暴警察從後追上，並在港鐵站截停5名青年，共3男2女，帶返上地面於連儂牆附近搜身。
其中一名被截查的青年阿南（化名）表示，當時因突然有大批防暴警察出現，被嚇得放在地上的背包也顧不及，便走入港鐵站。被帶返地面後，即見到有防暴警察未經他同意下，擅自搜查其背包，他擔心被插贓嫁禍，「點知會唔會話我哋有攻擊性武器攻擊佢哋」。
當時有防暴警察威嚇他說：「係咪要我告你哋遊蕩罪？」然後對他不斷謾罵：「我哋有冇打你？我哋有冇強姦你？有冇雞姦你？你收皮啦。」
阿南指，遭截查期間，不斷被防暴警察質問：「係咪要出去擲磚放火殺人，老謀（謀殺）就要坐終身，問我有冇錢打官司，政府係咪得罪你哋，你哋讀書使唔使錢，你住緊嗰間公屋幾多錢，係咁問我。」當時有一名疑似較高級的警察指可以放人，但前線警員則刻意拖慢程序才放人。
另一名被截查的少女陳小姐（化名）表示，被搜查期間，不斷遭男蒙面防暴警察瘋狂出言侮辱「臭雞，識唔識聽嘢呀，係咪低能㗎，仲話係香港嘅未來」，又刻意提起新屋嶺事件，「如果要姦都唔會姦呢啲」。她說，在場沒有女警，被搜身如褲袋時，都是男警去做，「我覺得自己完全受到侮辱，正常人都唔會有呢啲言語衝擊，你作為一個警察，更加應該明白自己嘅責任」。
5名青年被截查約20分鐘，據報，其中一名少女因未能出示身份證而被帶走，其餘獲放行。該批防暴警察離開了一段路後，一名市民行前用手機拍照，一名蒙面防暴警察突然在橋上舉起防暴槍指向該市民大罵。