張栢芝身為三子之母，一直母兼父職努力搵錢，今年9月無懼逆市創業，於中環開設時裝店。不過，未知是否因為她前日於Ig及微博貼出撐習近平「止暴制亂、恢復秩序」言論的圖片，擔心遭抗爭者「裝修」，昨日記者發現其時裝店雖然燈火通明，卻沒有開門做生意。至下午3時，記者發現栢芝的七人車停泊在店外，但司機一發現記者即離去，而時裝店職員傍晚時分更拉閘走人。
司機速逃
栢芝主要收入來源是內地商演，前日她展現愛國心，貼出習近平對香港一番說話的圖片，短短一日，該段帖文在微博已有逾60萬個like，而Ig雖然不讓網民留言，但也有三萬個like。
近月不少藍絲舖「被裝修」，栢芝高調表忠，有網民替她擔心。昨日大批傳媒到栢芝的中環時裝店了解，雖然時值周六，但舖頭一直沒有開門做生意。店內一直開着燈，但舖面沒有人，玻璃門亦已上鎖，其間有兩位女士想入內幫襯，但卻摸門釘，表現得有點失望。直至下午3時許，栢芝的七人車停在店外，但司機發現記者後便迅速離去，而車內未見栢芝蹤影。到下午5時許，一名女職員由店內一間房間步出，將舖頭拉上鐵閘門，問到栢芝會否返舖頭？她搖頭不語後離開。
栢芝去年初推出自家品牌，在網上賣衣服、手袋及飾物等。至今年在中環開實體店，身為老闆娘的栢芝不時落舖頭招呼客人。
一反常態
近日有網民發起「大三罷」，各區交通出現混亂，但她仍堅持開舖，日前早上駕車返工，足足花了兩小時，她還在Ig Story直擊，門外有男粉絲拿着她的寫真珍藏彈出，令她十分驚喜。
採訪、攝影：孔子、歐陽立
網民話：「你哋全部禍延後代」
栢芝在社交網撐習近平言論後，惹來不少網民揶揄她「奶共」，聲言要「裝修」其店，不過仍有和理非網民指她都是發表言論，不應該破壞。
Lotus HK：你呢班XX藝人，八九民運嘅時候就民主歌聲獻中華，𠵱家到我哋自己學生，你班XX就只捕製亂，你哋全部都會禍延後代
大減價：一場運動可以connect咗9成香港藝人一齊奶共
Loveabby Lam：佢係乜嘢品格嘅人吖，唔通仲會期望佢識分對錯，明是非咩
Catherine Cuu：每個人都有發表言論嘅自由，佢只係發表自己的言論，我係和理非，唔認同佢，但如果不同言論只係發咗個Ig post就要裝修人哋間舖，就太恐怖，不認同。
資料來源：互聯網