抗爭者連日來在多次堵路，在浸會大學近解放軍軍營位置也被設置路障，昨日有約60名解放軍出動清理，原來陶傑前日曾在商台節目《光明頂》預言這一幕：「黃曉明、彭于晏呢啲孔武有力嘅，梗係着緊緊地灰背心，喺陽光之下，一身閃閃油令嘅肌肉，整隊人出嚟清理磚頭、雜物。」
陶傑昨日回覆《蘋果》說：「巧合啩。」陶傑指前日有說三部曲：「跟住林鄭趁氣氛緩和，宣佈成立調查委員會，不過為咗唔令警察反感，可以喺監警會成立小組有外國獨立人士，最緊要有傳召證人權力。」他又預計：「咁做可以救番聖誕同農曆新年兩個節日，之後下半年林鄭同中央提出推出雙普選同23條立法。」問他是否覺得有人抄橋，陶傑豪氣地說：「梗係啦，佢哋有人mon住聽。」
採訪：何永寧