「佢哋（視障人士）打開我對攝影概念嘅另一道門，我困咗喺商業攝影、公式化攝影太耐，淨係講光圈快門景深好容易，但當佢哋睇唔到嘅時候，佢哋點明白、點結構、點去做呢？佢哋教曉我放低晒所有包袱、既有攝影模式同框架。」有約30年經驗的攝影師張正岡（Oswald），數年前開始擔任視障及聽障人士的攝影導師，亦是王寶玲參加的非視覺攝影班導師。
口述影像輔助視障拍攝
當初被香港展能藝術會邀請擔任視障人士攝影導師時，Oswald先學習口述影像，方便輔助視障學員拍攝他們心目中的相片，「最重要攝影師唔好當咗視障人士係你嘅助手，叫佢幾時按快門，你先係佢嘅助手，描述環境，等佢諗吓佢想影乜，然後口述輔助佢去影一張相。」
視障人士使用攝影器材的確會遇到困難，例如相機有太多按鈕，容易錯亂，或現時使用觸控式螢幕，都不適合他們。「有位攝影前輩向視障學員講過一句說話我係好唔開心，『你失明㗎，你唔好揸住部相機啦，我畀錢你去學音樂啦，你學音樂好過，學乜人影相，影相你又睇唔到！』」Oswald認為，攝影不單止用眼睛去享受，心眼更緊要，「佢哋發掘到嘅題材比我哋用對眼去睇嘅嘢仲深層次，因為佢哋用心去搵。」