羅凱鈴（Judas）前晚在旺角麥花臣舉行《音樂「家」》音樂會，吸引阮兆祥和梅小惠現身捧場。旺角是逆權運動的抗爭重地，縱然外面催淚煙四起，但Judas如期開騷，入座率僅得四成。Judas說：「多謝大家今晚嚟到睇我，知道你哋今日應該好辛苦先嚟到，我會用唔止100分嘅力去報答大家。」鄭融則擔任表演嘉賓。
Judas受訪時，坦言心情有點複雜：「本身有諗過改期，不過公司同大會話唔能夠改，我唔係好緊張，反而好期待。」由於港鐵提早關站，而巴士亦只作有限度服務，Judas直言她亦冇辦法：「觀眾嚟唔嚟到都冇所謂，我明白。」鄭融表示早前曾邀請Judas合作，笑言這次是報恩。另外，港台及新城早前宣佈取消實體頒獎禮，鄭融表示會以大局為重：「樂壇都係社會嘅其中一環，有啲變數、轉形式，我好明白同理解。」
採訪：盧妹
攝影：陳俊強