【樽頸困局】
【本報訊】中大學生二號橋保衞戰震撼全城，協助守在槍林彈雨前方，更有傳說中「真．勇武」小隊──屠龍。五個月以來抗爭者被捕受傷不計其數，但五大訴求僅得一項獲回應，在運動陷入瓶頸之際，四名屠龍成員接受《蘋果》專訪，認為要緩解前線壓力甚至取得勝利，必須在全民勇武或全民三罷中二擇其一，「我哋嘅目的就係想希望有多啲人醒覺，我哋得十幾個人，捱唔到好耐㗎咋！」
記者：佘錦洪
「我哋以為一二一二係衝，點知人哋一二一二係退嘅。」呂布（化名）是這樣形容勇武青黃不接的困局，「望返後面已經冇晒人。」8月初成軍以來，屠龍見證前線最困難的局面，張麻子（化名）稱最近屢次現場號召反攻，惟眾人一遇催淚彈即作鳥獸散，「但明明你出嚟佢射催淚彈係梗局嚟。」自言是「豬嘴條繩斷咗都喊住衝」的Edward（化名）指出，一些人明明全副武裝卻不敢衝，更跑得比誰都快，經常令他們陷入險境，「你唔好畀啲假希望我哋吖嘛。」
「我哋個個都有夢想，但係我哋肯犧牲嗰啲嘢上前線爭取！」
隊名「屠龍」，對抗警察是家常便飯，有人試過被警棍打穿頭，亦有人遭橡膠子彈爆頭險死，但他們明白不是每個人都有這種勇氣。令張麻子灰心的是，不少人只流於在社交媒體譴責制度暴力及警暴，然後一切如常照舊打卡吃喝，似是活在「平行時空」。說到做到，是呂布身為勇武對和理非最卑微的要求，「如果佢話三罷，或者罷鐵、罷藍舖頭，講完你要真係做先得㗎。」
政府對民間五大訴求視而不見，James（化名）坦言擺在面前有兩套方法，其一是全民有心理準備作正面衝突，其二是全民落實罷工，「但係好多人就係覺得，去到呢個樽頸唔知點做。其實佢心入面明明就知呢兩樣嘢。」比起James的婉轉，Edward的話更直接了當：「希望大家唔好淨係識得講香港人反抗，反抗係做出嚟㗎，唔係你X噏㗎！」
敢行動，有覺悟，屠龍的勇武程度令人難以釋懷。James坦承隊員多數出身於破碎家庭，相信因此思想包袱較少，但不代表大家就應當犧牲。「我哋個個都有夢想㗎，我哋個個都有啲嘢想做，但係，我哋肯犧牲嗰啲嘢嚟上前線爭取啊。」
「我哋得十幾個人，捱唔到好耐㗎咋！」
張麻子說出自己的心聲。而辛苦在前線打生打死，有人卻曾假借他們名義籌款，「『屠龍』我哋冇註冊，係人都用得，但你籌錢呃人就唔啱囉。」為杜絕再有假冒情況，小隊已設立官方TG頻道，萬一有任何需要，會經該頻道統一公佈。
愛之深，責之切，James希望所有人都能明白，運動不能說停就停，「因為我自己生活喺度，由細到大都生活喺香港，冇離開過香港，去讀書或者whatever呢啲嘢，我望住每一個香港人都有感情，何況係真係俾人拉嗰班手足？」冒險現身受訪，Edward只為喚醒港人與他們並肩作戰，「我哋得十幾個人，捱唔到好耐㗎咋！」