【本報訊】提起羅家聰，投資者應該對其「2008年睇過恒指8000點」的評論並不陌生，對於外界形容其性格敢言 ，羅家聰稱自己的評論是建基於理論及謹慎研究出來的數據，「有理據都講唔到出口，咁點做呢個位？」
羅指隨着年紀越大，亦曾出過錯，故會不時自我檢討，「初初講嘢都會講得好盡，如今唔係唔講得咁盡；但你睇吓個世界好似又唔係咁差，咁你使唔使mark到咁遠？」他指分析並非要講很爆炸性的說話，重要是準確估計。
長遠受累制度轉差
問到這位港版末日博士有甚麼說話贈予投資者，羅指市場因素未必會轉壞得太多；加上在美股上升兩、三倍下，港股仍未返到頂，可以部署找低位，「唔一定今年內，跟住一、兩季隨時有啲筍位可以做嘢」。
惟長遠看，羅家聰認為香港未必是個好市場，除了會受累內地經濟下行，制度轉差亦是另一計時炸彈，「你要有好嘅制度先會做科研，如今每樣都㩒死晒，呢樣唔畀講、嗰樣唔畀講，做咩研究？」
他又慨嘆港人「搵快錢」心態太強，難以追上下一波以科研為主導的新時代。