【本報訊】昨日於上水疑被愛國人士擄走的少女，事後向傳媒聲淚俱下哭訴，指事發時曾經嘗試逃走但失敗，並指摘當時所有男示威者皆逃去無蹤，「我以為有人返嚟救我！啲男仔去晒邊？」她的同行女友人曾試圖保護，但遭該男子揮拳毆打，幸兩名少女最終逃脫。
稱不信警察不報警
Mona（化名）接受《眾新聞》訪問時指，事發時與數名少女置身路障中，突遭一名男子抓着外套衣領，她一度成功逃脫，惟前後遭藍絲包抄，不幸再遭白衣男子拉走，「啲人唔見晒，男仔去晒邊？」她發現附近所有男示威者皆四散，無人支援，「我以為有人返嚟救我！」Mona聲淚俱下，憶起事件仍怕得雙手發抖，幸她冷靜下來，將外套拉鏈拉開，成功棄衣逃脫，並即時向上水中心狂奔，惟隨身袋丟失。
同行友人胡小姐指，當時共四名少女於現場搬磚頭，多名手持鐵通男子毫無警示下走近，白衫男一手拉着Mona，一手扯着胡小姐，胡不停掙扎成功逃脫，多名少女曾嘗試合力拉走Mona不果，「我哋大叫『救人』，俾人打咗一拳，我向後望，啲人走晒！」兩人異口同聲表示不會報警，「報警有乜用？唔會再信警察！」
■記者潘婉玲