日本藝人倉田保昭日前來港拍攝ViuTV新劇《空手打天下》，劇中他與歐錦棠較量空手道。曾拍過不少港產片的倉田保昭笑指廣東話很難學，但一定記得「你好嗎」，以便跟台前幕後打招呼，他說：「今次是歐錦棠邀請我來參演，之前我們在舞台劇結緣，今次他更是劇集監製。」
歐錦棠和張建聲表示能夠跟倉田保昭合作感興奮，歐錦棠說：「我哋同佢打咗一場，一拍佢就打我個胃，我死頂住唔NG，因為一痛又要俾佢打多次，佢係空手道宗師，又第一次拍電視劇，所以俾佢打都開心！」扮演入室大弟子的張建聲就沒有機會與倉田保昭對打：「我行過廠門口聽到佢哋拍到啪啪聲，知道佢哋準備緊，好有氣勢。」
撰文：余嬌