【本報訊】香港警察濫用暴力、政府無能致社會動蕩，演變成黃、藍兩大陣型。曾效力東方、大埔等多間球會的香港五人足球代表隊成員黃耀富（圖）周三為示威者抱不平，形容批評示威者的人士自私，「你哋真係唔愛香港，只會愛中共」。
黃耀富在fb寫下千字長文，反駁「藍絲」謬論，指出示威者堵路破壞只因政府對和平訴求不聞不問，「犯法嘅你有本事咪拉佢，佢哋預咗承擔法律責任，你政府唔理，我就要令全世界知道你唔理，逼你去處理」。
多年在職業球會效力，黃耀富遇上過不少中國籍隊友，來自南北不同地方。跟這些國援相處令黃耀富了解中國球圈，而他就以此作比喻，「我嘅地區做得好，有成績，國家支持、鼓勵，用好多方面繼續去幫呢個區，我嘅區一定愛國。相反，做得好後，又限制你，又攞及用你資源，然後再加啲條例令你更難發展做好呢區，試問吓點樣去愛，點樣去尊重你，要香港人認定自己係中國人好簡單，就係真真正正畀呢個地方嘅人好好發展，然後再支持呢個地方，十年？五年？都可能唔使，咁呢個地區嘅人就會好尊重番你，到時點愛都得！」
記者：禤家民