【九龍城】韓君婷於1997年參加亞姐入行，在亞視期間認識「六合彩王子」蔡國威，近年蔡國威轉投無綫，而她自己亦淡出幕前進軍美容界，不過22年友情不變。《蘋果》日前約晚上8時許，在九龍城碰到韓君婷及蔡國威在一間平民化泰菜餐廳撐枱腳，兩人不約而同以街坊裝示人，素顏的韓君婷穿上牛仔短褲踢拖，而蔡國威則穿T恤短褲。當時餐廳內坐滿食客，兩人坐在貼近牆邊的細枱，邊吃邊傾偈，韓君婷不時笑得開懷，食飽後由她埋單，隨即雙雙離開。
遇街坊避忌
離開食店後，韓君婷和蔡國威馬上到附近便利店買煙，然後即在街上暗角位邊吸煙邊吹水，即使街上有其他途人，兩人煙癮大發時也懶理旁人眼光。之後再逛附近的家品店，可惜未有收穫，繼而再轉場到就近的超級市場，蔡國威負責推手推車，兩人專攻零食，揀了大堆餅乾等，今次則由蔡國威付款及拿東西。之後兩人由九龍城漫步行到新蒲崗寓所，路經一間凍肉店時，好奇停下望一望凍櫃，接着沿途再煙癮起，又再齊齊吸煙，邊行邊吸，表現合拍。當韓君婷和蔡國威到達公屋樓下時，兩人忽然顯得有點避忌，韓君婷先行去按密碼，隨後的蔡國威即上前開門，最後一同上樓。
合拍好朋友
兩人的表現猶如情侶，但韓君婷回覆《蘋果》時否認暗撻蔡國威，她說：「我哋合拍，好朋友、好朋友，掃貨掃到超攰。」食飽泰菜，然後到超市買零食，韓君婷笑言：「食完飯都要有甜品㗎嘛，咁啱我有超市現金券，咁咪一齊去掃貨。」現年44歲的韓君婷於1998年跟髮型師男友葉錦昌（Sherman）拍拖，可惜男方後來患上肝癌病逝，對她打擊很大，及後又曾跟陳欣健長女陳早茵傳同性緋聞，近年感情狀況依然未有着落。
採訪、攝影：朱志聰、梁繼光