【本報訊】中大學生向法庭申請禁止警方在無搜查令下進入中大校園，但法庭拒批，消息一出後，整個中大校園內氣氛頓時緊張，不少在大學站外休息的學生，即時將部份雜物移到上山斜路位置作路障，加強防守。
「惟有自己保護自己」
X是中大學生，他稱即使警方攻進來，學生亦不會棄守，「嚟得呢度嘅學生都係想守護呢度，就如你見到家園俾人入侵，會唔會走啊？唔會㗎嘛」。他坦言憂心武力將升級，但認為警員衝入校園不能容忍，故會堅持下去。中大生A同學坦言「就算有冇禁制令，佢哋（警察）都會衝入嚟」，故已加強防備，「死都唔會退，入咗嚟，就預咗唔會出，一係就一齊死，點都唔會驚」。
陳同學（化名）指自己非中大學生，但仍到場聲援，因為事件已變成「六四」翻版，「你哋成日話唔可以將政治帶入校園，咁點解警察就好似軍隊咁走入嚟？」她坦言即使禁制令不獲批，仍會堅持留守，「我都係個年輕人，如果學生都咁堅持留喺度，我都冇理由要走」。對申請不批，她認為法庭或有其理據，但反映香港的法理基礎已無法守護香港人，「香港人惟有自己保護自己」。
學生在崇基出入口附近以大量雜物阻擋出入口，校內亦加設了多幅地磚砌成的牆，部份牆身較人更高。校門附近亦設有車陣阻擋警方進入。不少學生築成人鏈傳遞物資，現場多次傳出有警車在附近，氣氛一度緊張。
■記者鍾雅宜