【本報訊】反修例風波持續五個月，民間提出成立獨立調查委員會等「五大訴求」，惟政府未有回應。自由黨榮譽主席田北俊昨出席民主黨劉慧卿主持的網台節目時透露，有商界曾直接向北京要求成立獨立調查委員會，但中央政府或因為顧及警察的士氣而拒絕。
料免打擊警士氣
田北俊指，對香港目前的情況感訝異，質疑政府「離地」未有把握時機處理問題，「日日發生嘅事都唔處理，件事就每日嚴重啲」，又批評建制派支持政府強推修例令情況惡化，「建制派可以有自己睇法同政府講，係有效過建制派聽政府或者中聯辦嘅指示，（中央）出聲就支持，咁叫做好建制派？我咁多年都唔認同。最緊要係保住政府唔好出事」。他重提自由黨2003年反對23條立法，「如果當時23條立法，可能今日發生嘅事當時發生咗」。
對於最近發生的事，田坦言自己「無能為力」，指即使成立全面的獨立調查委員會，或林鄭下台都未能平息民憤，「𠵱班人係咪成立獨立調查委員會，就唔再支持勇武者？我真係無把握」。
田北俊又透露，有香港商界人士曾經向北京提出成立獨立調查委員會，「我哋商界係有講嘅，但（中央）唔肯做」，他估計中央拒絕接受建議，是為免打擊前線警員士氣，「如果唔出解放軍，香港唯一可以維持秩序嘅係警察，咁一定要令香港警察士氣唔可以有問題」。
■記者陳嘉裕