一年一度的國際小姐前晚在日本舉行，今年的香港代表、現年24歲的張嘉琳15強止步，她感動得在台上淚崩並說：「真係好似發夢咁，因為相比起其他國家，香港唔太熱衷國際性嘅選美，佢哋係有fans follow，亦都有50人嘅團隊去當地支持，有好多資源，我哋就好似只係去參與咁，自己冇諗過可以入到15強，係好意外，因為對上一次入到15強嘅係2007年王君馨，直至今次可以入到15強，我真係好滿足。」
張嘉琳指今年有82個國家的候選佳麗，她到日本參賽20日，過程辛苦，她說：「佢哋嘅評分包括日常嘅生活、fashion sense，我見到好多人都帶咗五、六篋行李過去，我就只係得三篋，過程其實真係好辛苦，每日只係瞓得三個鐘，我都瘦到背脊得返骨。」參選後她會先作休息，並計劃到外地一闖。
採訪：羅慧敏