曼聯中場大將保羅普巴周一拍片，向大家展示佢拆除足踝護具嘅過程，意味即將復出。佢拆護具嗰陣仲對住鏡頭伸出拇指，而且心情似乎好興奮，仲話畀大家知自己隻腳可以自由扭動，同埋可以好正常咁行，睇嚟冇咩事喇。普巴自九月尾足踝舊患復發後就一直冇上陣，之後轉咗去杜拜養傷，其間仲同皇家馬德里教練施丹見面，不過只係撞到，唔係傾轉會嘅事。