【本報訊】警方前日向中大校園施放多枚催淚彈並拘捕四人。監警會前委員、中大新亞書院校董鄭承隆昨表示，警方有關做法並不合適，又質疑警方到中大驅散學生的目的，「大學有學生係好正常，喺校園驅散啲咩呢？」他目睹學生以粗口指罵警員，但防暴警在極短時間內發射催淚彈，反問「粗口對催淚彈嘅武力係咪對等呢？」
被學生指罵即射催淚彈
鄭承隆昨出席商台節目時指出，警方進入中大校園執法並不合適，「如果當時係見到有人掟嘢，你知道個人逃走方向，進入校園拉人係正常，而唔係你知道有人曾經掟嘢，然後想入校園搵呢個人出嚟」。
他前日剛巧身處中大，逗留不足十分鐘已目擊防暴警施放催淚彈經過，當時現場示威者與警方不斷互相指罵，「後生仔向警員用粗口指罵，兩、三秒後睇到黑旗舉起，唔夠兩秒嘭嘭幾吓射催淚彈」，當時沒有人向警員投擲雜物，他質疑「粗口對催淚彈嘅武力係咪對等呢？」
他續指，大學有學生很正常，質疑防暴警不停使用催淚彈驅散學生用意何在，「好似細蚊仔搶地盤，（防暴警）每次放兩粒催淚彈，然後又退後」，認為警方做法無意義。他亦留意到，每次都是防暴警先發射催淚彈，示威者才作出反抗動作，向防暴警扔擲雜物。他在場更親耳聽到，防暴警在拘捕示威者後，「（嗰時）拉咗兩個，聽到警察話夠數！夠數！」
■記者張文鈴