中德混血名模貝安琪（Ankie） 昨早11時在中環為拍賣會預展擔任模特兒，中環昨日繼續有網民發起「和你lunch」逆權表態，大批中環人上街發聲。Ankie透露交通受影響，自己花了超過一個半小時由西貢到達現場，幸好老公Simon做柴可夫，但也擔心囝囝上學，忍不住心掛掛經常望電話。她說：「做家長就係咁，噚日我啲朋友個個都好辛苦，因為交通（問題）。」
嘆社會壓力大
於德國出生的Ankie十多歲便來港定居並發展演藝事業，在港生活多年，對於近月的社會氣氛緊張，她也不禁唉聲嘆氣：「𠵱家社會好大壓力，自己會關心個仔多啲，我啱啱喺LA返嚟，老公話好開心我返咗嚟，但係又話好擔心𠵱家咁。」前年Ankie為老公誕下兒子小龍，Ankie將小龍放在第一位，現時囝囝正在上學前班。
Ankie透露日前剛到洛杉磯為電影《一棵心中的許願樹》做首映，她指首映相當成功，並準備明年開拍續集。
瑜伽有助冷靜
之前Ankie亦曾參與一部德國獨立電影的拍攝，飾演一名心理學家，問到在家中是否家人的「心理學家」？她笑說：「做媽咪嘅都會係，因為之前九個月都冇請工人姐姐，有時情緒都會有高低，不過𠵱家係開心到喊，因為BB好得意。」
Ankie續說：「如果唔開心，我會做瑜伽，亦都好鍾意散步，可以幫助自己冷靜，有乜嘢唔開心我一定會講，同老公都好少嗌交，如果話冇就呃人，唔開心一定要講出嚟抒發，唔係好易會病，好似𠵱家咁，大家都好多壓力。」
採訪：羅慧敏
攝影：葉君海
更多精采時尚內容，盡在 http://add.appledaily.com。