【本報訊】澳門格蘭披治大賽車明日展開，香港車手歐陽若曦今年因贊助不足，無法以車手身份參賽，將專注在車隊總監工作。其效力的車隊Craft Bamboo Racing今年在GT世界盃除莫他拿外，還有比利時車手皮卡里耶路。
歐陽若曦去年完成連續15年出戰澳門大賽車的紀錄，但今年未能參賽，連續參賽紀錄斷纜，他昨出席贊助商活動時表示：「玩咗咁多年，希望明年可以再參賽，今年因為贊助唔夠，經濟唔太好。」他指近年主要在GT發展，亦一心只希望參加大賽，故一直朝GT世界盃為目標，未有打算轉戰其他比賽。
雖然未能以車手身份參賽，但歐陽若曦會繼續以車隊總監身份領軍，其車隊今年派出莫他拿及皮卡里耶路出戰，其中後者是首次出戰東洋望賽道，歐陽若曦表示：「皮卡里耶路今季全季效力我哋車隊，佢係好快嘅車手，所以先同平治一齊揀佢出戰GT世界盃。我作為車手贏過唔少賽事，希望今次佢同莫他拿可助我以車隊總監身份勝出。」
皮卡里耶路贏過R8 LMS盃及中國GT錦標賽，今年在GT亞洲賽贏過三個分站，他表示難得有機會出戰東望洋，認為東方彎難度最高，而松山上路亦極具挑戰，冀可從隊友莫他拿身上學習。
記者：禤家民