澳門政府就快換屆在即，即將離任嘅特首崔世安噚日發表卸任前最後一份《工作總結》及《財政預算安排》，仲宣佈連續第13年「派錢」一萬元澳幣，不過其實崔世安今次係拎咗佢下任嘅派錢光環，因為真正派嘅唔係佢，而係佢嘅繼任賀一誠！
崔世安喺澳門立法會發表《2019年財政年度工作總結》及《2020年財政年度預算安排》，原本應該講吓佢最後一任嘅工作總結，即使涉及2020年嘅嘢，做好做醜都留畀下任特首講，冇理由畀佢呢個仲有個零月任期嘅特首講，點知佢話同候任特首賀一誠商討後，佢哋就下年度財政預算安排達成共識，繼續實施「現金分享計劃」，下年度向每名永久性居民豪派一萬蚊；新移民都繼續有份，非永久性居民則每人6,000元，下年度發放，料有逾67萬人受惠。
其實筆錢係賀一誠上任後先派，留畀賀一誠宣佈當爭取民望都好，𠵱家又要畀崔世安公佈埋，唔知賀一誠會點諗？