游飈在34年的演藝生涯冇發圍，人工低，又要等工開，2014年決定另闢天空，自己做老闆經營環境工程公司，與日本公司合作，主力負責做去甲醛工作，最近更在土瓜灣租用一個近3,000呎的工廠。游飈自認讀書少，修養欠奉，但談起公司產品卻有板有眼：「我哋專業係做持續抗菌，裝潢後除VOC甲醛，所以我哋賣嘅抽濕機，標明機芯唔會養菌，即唔會放菌，可以幫到人。」
工作室內，其中一間房設有鋼琴、波波池，還有一個圖書閣，游飈看着4歲半、暱稱游菜的囡囡相片，笑得特別燦爛：「難得有多餘空間，畀佢可以玩吓，做父母都開心。其實我好慘呀，佢乜都要學，畫畫、跳舞、唱歌、彈琴，放暑假就問媽咪幾時可以返學，好彩唔似我。」游菜樣子標致，問到可會讓囡囡做童星？他搖搖頭說：「佢係好有表演慾，但唔代表可以做娛樂圈，除非我將來『瓜』咗剩好多，唔憂財政做演員，係可以去玩吓。」
