【本報訊】美國總統特朗普上周稱未同意撤銷向中國加徵的關稅，大市氣氛受壓，但中美雙方仍就協議詳情及簽署地點進行會談，市場仍憧憬談判會有進展，為今日港股開局帶來支持。好壞消息參半，有證券分析預測，本周恒指會反覆向上，有望上試28000點。
短期上試28000
上周港股在開局前幾日升勢急速，但星期尾27800點有明顯阻力。中民證券（香港）研究部董事黃偉豪表示，市場仍關注中美簽署定案，「上星期尾去到27600點出現整固，變相本周港股再向上的空間就冇咁大，但如果冇跌穿250天線或27400點，反覆向上的格局就未變，短期上試28000點。」
第四季為傳統彩電旺季，黃偉豪預計，內地電器板塊表現較好。另外，內地物管股不受外圍影響及受資金追捧，股價升幅會較大。他又指，短線仍適宜入市，「我相信個市仲未反彈完嘅，但若見250天線就做個止蝕，跌穿嘅話，短線啲貨先沽一沽，不過你話幾時有個長升浪，我諗都要一步步嚟。」
友信證券研究部總監陳偉聰指，「個市仲有機會上多浸，啱啱升穿咗27300個位，會挑戰28000點，但重點要睇返騰訊（700）業績同中美貿易談判的關稅定案，但總體個市都係好嘅。」他預計，表現較好的板塊仍是之前跟隨大市上升的內房及內險股。他又指，「入市短線都係望多幾百點，都係一個中短線路線」。