沙地勁旅希拉爾上周六亞冠盃決賽首回合，以1:0小勝日本嘅浦和紅鑽。希拉爾有唔少曾經喺歐洲搵食嘅球星，包括基奧雲高同安達卡里路，但紅鑽開段踢得唔錯，半場0:0。不過到60分鐘紅鑽終於失守，希拉爾右閘阿爾布來克右路出波，安達卡里路趁對方門將出迎失誤輕鬆頂入，為主隊奠定1:0勝局。次回合會喺兩星期後移師紅鑽嘅埼玉球場進行。