黃心穎今年4月被《蘋果》踢爆背住男友馬國明，搭上人夫許志安。「安心偷食」事件後，黃心穎潛水198日，噚日終於寂寞難耐更新Ig，貼出影住一堆《牛下女高音》劇本嘅相。
黃心穎留言：「《牛下女高音》經歷了被抽起，傳言要重拍，之後決定唔重拍，到最後成為了台慶劇，我實在有太多感受……除了好開心最後能夠原裝版本播出，我心裏一直最大的感覺係『我好驚』，我好驚因為我而影響到《牛》劇的成績，我好驚會白費了大家的心血，只餘最後五集，我衷心多謝促使《牛》劇有機會播出的每一位，也要多謝收看的你們，更要多謝劇中對手和同事們的體諒，願大家一切安好。」
馬國明唔回應
就黃心穎留言後，問馬國明會唔會支持對方復出？佢回覆傳媒話：「冇回應喇！」「安心偷食」令到黃心穎同安仔形象受損，安仔就採取低調政策，乖乖留喺老婆鄭秀文（Sammi）身邊，而黃心穎喺Ig發表完道歉宣言，之後就一直潛水，據講佢避走美國，轉行做地產經紀。
撰文：馮仁昭
