唱作歌手周國賢前晚在社交網踢爆假網站售賣其演唱會門票，指他將於下月1日在紅館開騷，票價分為780元、480元及280元，有歌迷被呃錢。周國賢對於「被開騷」前晚留言：「假的，別上當！有朋友畀咗錢，大家小心，呢個時勢邊有心情開。」不過歌迷留言：「我好想係真呀」、「可以變真嗎？」
周國賢昨在電話中說：「經過呢半年香港嘅情況，之前拍完打戲後，身心調節咗一陣，又去咗兩個旅行，我覺得未來無論喺唔喺紅館，大大細細嘅騷我都想做，因為每一次做騷都係調節身心機會。」本報昨向周國賢的唱片公司WOW Music了解，董事鄺敏慧表示：「希望沒有歌迷上當，資料是錯誤的。」鄺同時宣佈周國賢已取得明年4月檔期，舉行入行首次紅館騷。
採訪：皓騫