【全城抗爭】
【本報訊】科大生周梓樂在將軍澳警方驅散行動中離世，少女在荃灣警署疑遭警務人員輪姦，激起全城悲憤，網民發起今日三罷抗議。過百間商店響應罷市，當中包括餐廳、茶飲店、精品店、裝修舖等等，部份店舖是繼6.12、8.5後，第三次罷市，參與小店東主聲言要以經濟壓力迫使政府回應民意。
記者︰譚靜雯 陳詠恩
在旺角及尖沙嘴都有分店的茶飲店「唇茶」屬較早一批決定罷市的店舖，於11月8日周同學去世當日宣佈罷市，負責人阿深指，這是繼6.12、8.5，該店第三次罷市，「罷工總要有人帶頭行出嚟」，越早決定越有人跟住做，大公司唔做，我哋細舖做」，雖然罷市未必能迫使政府聽民意，但起碼能表達訴求，做自己應做的事。
「錢可以搵返」 小店三度罷市
位於坑口的洋江工程今日亦會休業，對於將軍澳居民周同學離世感到心痛，負責人江先生自言作為家長感到切膚之痛，近日收工後也到尚德停車場悼念。這次是他第三次響應罷市，他希望以行動支持年輕人，認為雖然單一日罷市，對政府影響不大，相信持續不消費能迫使政府及社會思考運動，「搵少一日、十日錢，之後都可以搵返，但後生仔被消失以後就搵唔返！」
雜貨精品店「堆填區rubbish_b」由6月9日至今曾多次響應民間「三罷」，在7.21也有自發罷市。店主阿包承認，罷市效果有限，因為小店規模小，力量不足以威逼一些人妥協、威逼政權聆聽民意，「咁係咪長期罷落去呢？會唔會一啲大機構、行業都要罷工呢？」
阿包不希望三罷淪為形式主義，「好似八九六四集會咁，年年都有集會，但都係冇平反過㗎。我明白人人背負嘅嘢唔同，但香港人咁聰明，會唔會有啲人罷唔到工，都有其他不合作運動可以做到？」她稱自己無論如何都一定會響應罷市，抗爭活動各有各做，但同時不斷思考在三罷以外的其他可行方法。
籲各行業組工會參與
廚藝教室、包括提供蛋糕製作班的The Little Kitchen小食堂過去多個月來都有響應民間發起的「三罷」行動，負責人Calum表示，今日同樣響應罷市。但他承認罷市「需要多啲人響應先有用」，盼有更多行業及商店參與，又指若各行業可組成工會，並發起大規模罷市，相信影響力會更大。
他直言受港鐵經常停駛影響，上月生意額更大跌七成，「我哋間舖喺彌敦道，九成客人都係女士，啲班多數都是晚上舉行，任何情況下（客人）只要聽到有警方行動佢哋都唔敢嚟，或者唔報名住，其實我唔知可唔可以捱到半年」。雖然生意難做，但他無悔參與罷市，「如果嚟緊真係做唔住，我都唔會後悔，因為一係為香港好、一係為生意，我寧願香港好，而犧牲咗我生意，香港好我相信我會有第二次（做生意）機會，但香港唔好，我諗我唔會有第二次機會」。
