劉嘉玲昨晚與鄭欣宜、劉偉強、李幸倪和文詠珊（JM）夫婦等，在中環出席慈善基金晚宴，劉嘉玲被問到最近電影公司都不敢開戲，她說：「資金肯定有，但會拍啲主旋律嘅嘢，同埋我都會參與好多品牌活動。」聖誕節會否與老公梁朝偉度過？她說：「佢要準備1月入組，唔可以太過大飲大食，要操練。佢嗰啲好劇烈，要專人訓練，我嗰啲都係行吓山。」
嘉玲又再次否認放售上海物業，她說：「有時啲人將第二啲屋當係我，我喺內地得一間屋，媽咪𠵱家住緊，我冇理由會放，同埋內地有限購，唔似香港咁自由。」此外，欣宜早前返加拿大探親，問她有否見好友謝婷婷？她說：「冇呀，佢唔喺加拿大。」談及港台及新城取消頒獎禮，欣宜表示不會影響他們做音樂的信念。
採訪：黃曉妍
攝影：林賓尼
