【本報訊】警方昨凌晨在將軍澳區清場期間多次進出富康花園，截查多名街坊，對居民造成極大滋擾。有居民在家中發現防暴警在樓下截查三名年輕人，遂從窗戶拍攝地面情況，竟然遭警員粗暴喝止，並先後向窗口發射四次胡椒球彈阻嚇，事主面部「中椒」。蘇姓事主兒子昨受訪談及防暴警向其家亂射胡椒彈時直斥警察離譜，不負責任。
蘇先生與父母及外婆同住富康花園一個低層單位，他憶述事件經過稱，昨日凌晨3時一家人已入睡，突然樓下傳來嘈吵聲，其父親被吵醒從房間窗戶望下，見到一班防暴警追捕年輕人，並截停三人查問，其父親見狀取出手機拍攝，「諗住保護啲年輕人」。
防暴喝查三年輕人
鏡頭所見，警員喝令該三名年輕人將雙手放在頭上及蹲下受查，有年輕人向警員稱「我哋都冇做乜嘢喎！」隨即被警員喝止，「調查你呀，收聲！」牆角同時傳來一把女子聲音，與警員對罵。警員向她咆哮：「你同我講你有BB嘛，如果返到去唔係嘅，就係誤導警務人員！」
大約一分鐘後，警員發現蘇父正拍攝，隨即喝止：「即刻收部機入返屋，照咩呀你喺度？警告你，唔入返去，用胡椒槍對你。」蘇父心想「呢度係我屋企嚟，點解要收返手機」，防暴警第二次警告，不足一秒即向蘇宅發射兩個胡椒球彈。
蘇先生昨在家中談及此事時仍氣憤難平，「佢哋（防暴警）射咗兩槍胡椒球彈，兩三秒後再射兩個。好彩窗冇爆，但啲碎片同爆啲煙霧吹入嚟，搞到我爸成面都係，成間屋都有，好刺鼻，不停咳同流鼻水」，部份胡椒球彈碎片遺在床上。防暴警開槍後離去，並將三名被截查的年輕人帶走。蘇直斥警方離譜，其父親在家中拍攝並沒有犯法或做錯任何事，「影乜都冇問題㗎」，警員叫收回手機，之後還射胡椒球彈，當時家中除父母還有外婆，擔心胡椒彈影響長者健康。
此外，對於科大生周梓樂離世，蘇先生亦有感而發，「好可惜，一個22歲後生仔，咩原因而走咗唔知，但我覺得同警察脫離唔到關係，警察一定有責任。係喺佢哋所謂執法嘅時間下，令到一個年輕人走咗，係相當有責任」。他又指，「（警察）又講大話，又話冇入停車場，有CCTV影到又話有入。呢個被揭發啫，唔知有幾多冇揭發，收收埋埋」。蘇指想追究警方胡亂發射胡椒球彈，惟「咁多嘢要追究，點排到我吖！」非常無奈。
■記者劉永明