藝人樂於玩社交網，除咗可以同粉絲互動外，有時社交網都係佢哋生財工具，當收到廣告商嘅產品或禮物，貼出來有時會有薪酬，即使唔係好多錢，但做KOL密密貼都好好賺。話說有個賣自家護膚品牌嘅金毛獅王同甜甜，佢哋好鍾意打扮到好靚出席大小公開活動，次次都必集郵，佢哋想保持住見報同知名度，大力做自家品牌嘅生招牌，佢哋仲會成日以送免費產品為名畀KOL，最大目的當然係想送畀佢哋貼出社交網做免費宣傳。
其實大家都好明白呢啲「拍膊頭」嘢，少不免要畀吓面，貼一貼還人情。不過Jessie就聽聞原來甜甜好有要求，會向KOL指明要點貼點拍，要求仲多過KOL收錢做嘢，所以大家都好怕收到佢哋送嘅所謂新產品，擺明係狂碌人哋免費卡，佢哋要宣傳，又唔畀錢，但諸多要求，令到好多KOL都有微言，怕咗佢哋。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。