【區選大戰】
【本報訊】今屆區議會選舉，有多達五位前任和現職記者參選。現職記者的司徒港燊則走出傘運抑鬱，不再做「港豬」，出選大白田西與民建聯硬碰，勢要踢走保皇黨，「只要我哋畀心機，係有機會打得贏」。出戰牛頭角下邨的前記者李詠珊，無懼被辱罵「記者冇良心」，敢於落區與街坊論政、跟進民生議題，由阻止建制派自動當選，到今天背負街坊的期望，非勝不可，「我真係冇得輸」。
記者：王家文
司徒港燊誓光復大白田西
現職《蘋果日報》副刊記者的司徒港燊，出選葵青大白田西區，對手有獨立何卓威和競逐連任的民建聯郭芙蓉。
走出傘後抑鬱
過去四年，司徒港燊自喻是「港豬」，經歷雨傘運動後的抑鬱，「唔想理任何政治嘅嘢」，思想變得犬儒，「都係由得政府玩」。但在反送中運動，無論勇武或和理非，讓他從抗爭中看見奇蹟。看見銀髮族站在後方守護，12、13歲年輕人則走在前線，他反問自己「可以做啲乜」。
35歲的司徒港燊從事傳媒工作多年，主要報道科技產品等新聞，在今次選舉中，他也擅用社交媒體和拍片作宣傳，亦得到不少KOL支持。
雖然大白田西有逾7,000名選民，近半數年齡51歲或以上，但司徒港燊有信心跑出，「大家唔好諗到咁worse（惡劣），真係有啲年紀比較大、冇咁大政治訴求嘅人，係好想踢走保皇黨」。他認為建制派只是有錢而沒靈魂的機械，「只要我哋畀心機，係有機會打得贏」。
李詠珊：牛下街坊求變
做過記者有個好處，就是臉皮夠厚。在屋苑外派傳單，「你好，我係李詠珊，會參選今屆區議會選舉」，阿婆不領情，她改為搭訕，「買咗餸未呀？」有對中年夫婦停低接過傳單，她打蛇隨棍上，「可唔可以全家投我一票啊？」對方反問一句：「你唔係民建聯㗎嘛？」就是這樣，一家三票，全數落袋。
「以前都係咁，去到記者會要不停識人，其實𠵱家一樣，成個區我都要不停識所有人」。曾在《蘋果日報》實習、做過《壹週刊》投訴版，李詠珊去年離任《明報》港聞記者後，修畢香港大學法律系人權法碩士。今年7月開始落區，以素人身份出戰牛頭角下邨，與爭取連任的民建聯區議員張姚彬競逐。
「唔想社會聲音被壟斷」
牛下街坊，年長佔多。李詠珊笑說，其實落區很好玩，至少貼地，離開同溫層，街坊論政，也非單一顏色，曾遇上一個大叔以啤酒點評局勢，「𠵱家畀五大訴求你，件事係咪就咁完？飲完五罐藍妹，你仲想唔想飲多罐吖？」選區除牛下外，也涵蓋振華苑、樂雅苑、安基苑及兆景樓等居屋和私樓。「以前我用文字連結社區，𠵱家直情個人落咗嚟，一齊連結」，落區數月，李詠珊跟進區內環境、醫療及交通等議題，多年記者經驗，尤其擅長處理地區投訴，如大廈維修等，得到不少街坊支持。
五年前9.28，她走在催淚彈下，訪問了一名女中學生，「瞞住阿媽行出嚟」，那畫面仍歷歷在目，「唔想再見到」。今年6.12，她再次遇上催淚彈，走在前線的，依然是未成年的年輕人，「我覺得好心痛」。
在母親鼓勵下，李詠珊決定去馬參選，在30歲前轉換跑道。她說背後原因很老套，「我真係鍾意香港」、「我唔想個社會俾一種聲音壟斷」。上屆民主派在這一區只輸462票。她起初只為阻止建制派自動當選，但落區三個月，發現街坊求變心切，「更加覺得唔可以輸」。
