英格蘭周四點兵，近一年表現差嘅熱刺球星迪利阿里再落選，領隊修夫基喺記招話，冇就落選向呢位中場溝通或解釋。迪利阿里對上一次入選英軍，已係六月嘅歐洲國家聯賽決賽周。修夫基話：「我冇同迪利阿里傾過，一星期前只同艾歷迪亞傾過偈。對上一次同迪利阿里交流，係兩個月前。」迪利阿里近年因傷狀態不穩定，同位置嘅球員，修夫基重召李斯特城中場占士麥迪臣。