【本報訊】7.21與白衣人握手的立法會議員何君堯前日在屯門拉票時，遭人用刀襲擊受傷送院。他繼被指前日於屯門醫院打尖做手術後，據了解，昨日何君堯在醫生認為可出院下，卻不肯出院；他留醫期間，病房內一度有六至八名軍裝警員看守，房外又派駐一至兩名軍裝警員，對其他病人造成滋擾。
此外，何君堯打尖做手術事件，在經常大爆醫院秘聞的facebook專頁「HA Secrets」引起熱議。有網民質疑「2cm長傷口要全身麻醉做手術，仲要由部門主管親自麻醉，其他手術包括腦腫瘤、氣管造口、胸腔鏡手術都要讓路，係咪特權呢？」
癌婦被打尖嬲到爆
亦有人貼文稱患腫瘤的母親原本緊急排第六，昨安排做手術，但因何打尖至今手術無期，指母親禁食多天快捱不住，對打尖事件嬲到爆。
另一位自稱屯門醫院小職員的網民指，屯門醫院工作量大，病房經常爆滿，指何「行得走得」卻獨霸一單人房，又指手術室有二十多個急症手術等候，當中有十個更是前一晚累積下來，包括神經外科、骨折、腕管綜合症等，認為每個病人的病情均較何嚴重，卻偏偏讓他插隊，「啲人成日話我哋係黑護，唔應該將政治帶入醫院，咁多位高層，𠵱家你哋又係咪將政治帶入醫院？」亦有人質疑醫院沒有平等及專業地對待急症求診病人，引起醫護人員不滿。
■記者陳沛冰